• 1

Rätschbäsä Sarnä – der Verein!

Was firnä Start i diä Vorfasnacht 2015/16. De eigentlichi Sinn vodr Fasnacht wär d Vertribig vom Winter. Am letschte Samstig hend sämtlichi Gugge vo Obwalde inkl. 3-4 Gastgugge aber dr Summer miässä vertriebe. D Städer Schränzer hend da debiä dr gresti Ateil gha.

Sie hend mit ihrem 50 Jahr Jubifäscht alles botä womä cha biete. En super dekorierti Halle, Kafistubä, Guggezelt und div. Bars hend dezuä bitreid, dass es en super Feststimmig gäh hed und Sie so ihres Jubi mit Erfolg hend chenä Fiirä.

Mier gratulierid nu einisch recht Herzlich und winschid fir diä nechstä 50 Jahr wiiterhin vill Erfolg.

Mier hoffid, das ai mier en Biitrag zur Summervertriebig hend chenä Leiste, ob das klappet hed, wärdid mier gseh. Und suscht nämer am 21. November am Geisterball z Sarne nu einisch en Alaif.